Heilandi fæða

Matur hefur margvísileg áhrif á okkur. Ég nýt þess best að borða bragðgóðan mat sem hefur líka góð áhrif á líkamann minn. Hér eru þrjár heilsubætandi og fegrandi fæðutegundir sem ég fæ mér oft. 

 Sítrónur eru hreint ótrúlegt hreinsiefni sem innihalda yfir tvö hundruð ensím. Þær hafa einstaklega heilsubætandi áhrif á lifrina. Ég byrja alla morgna á vatnsglasi með nokkrum sítrónudropum út í. 

 Grænkál er kraftmikið fegrunarfæði sem er stútfullt af jurtaefnum, trefjum og blaðgrænu sem byggir upp blóðið. Því hreinna sem blóðið er því fegurri erum við.

 Túrmerik er vel þekkt Ayurveda-krydd sem býr yfir ótrúlegum andoxunareiginleikum. Það hindrar oxun og ver okkur fyrir skaða af völdum sindurefna og hjálpar okkur einnig að hreinsa efnaskiptaúrgang. Túrmerik styrkir einnig lifrina í okkur ásamt því að bæta björtum lit við matinn okkar.