1 min read
Það er gaman að bjóða vinum í „bústskálabröns“ og setja upp fallegt lítið hlaðborð með mismunandi þurrkuðum og ferskum ávöxtum, berjum, hnetum og fræjum. Settu bústið í skálar og gestirnir klára síðan að útbúa sína skál.
Tilvalið er að bjóða upp á engifer- eða túmerikskot með og þá ertu komin með fallegan og bragðgóðan bröns sem er stútfullur af góðri næringu!
Innihald
1 glas rauðrófusafi
2-3 appelsínur
1 sítróna
frosin bláber
frosinn ananas eða mangó
Magnið af öllu fer eftir smekk, prófið ykkur áfram hvað ykkur finnst best.
Notið ávexti, ber, hnetur, fræ og allt sem ykkur dettur í hug til að skreyta skálarnar.
Aðferð
Setjið öll hráefnin saman í blandara og blandið vel.
Hellið síðan í skálar og látið sköpunargleðina taka völdin.
