Terms of service

SKILMÁLAR OG SKILYRÐI

Skilmálar þessir gilda um öll kaup á vörum og þjónustu LMLP slf. Sérákvæði um hvert prógramm koma fram í köflum 1–4.

Almennt
LMLP slf. áskilur sér rétt til að fella úr gildi, án fyrirvara, pantanir vegna mistaka við verðskráningu og ef vara eða þjónusta er tekin úr sölu.
Kaupandi skuldbindur sig til að greiða fyrir vöru og þjónustu að fullu. Komi til greiðslufalls áskilja LMLP slf. og Linda Pétursdóttir sér rétt til að sækja greiðsluna með lögboðnum leiðum.

Verð
Verð getur breyst án fyrirvara. Verðbreyting hefur ekki áhrif á kaup sem þegar hafa verið gerð, nema annað komi fram hér að neðan.

Trúnaður seljanda
Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.

Eignarréttur og trúnaður kaupanda
Öll gögn og efni eru eign LMLP slf. og Lindu Pétursdóttur og eingöngu ætluð til persónulegra nota kaupanda. Óheimilt er að deila efninu, hvort heldur að hluta eða í heild. Brjóti kaupandi gegn eignarrétti fellur aðgangur hans og þátttaka niður, en kaupandi er engu að síður bundinn til að greiða fyrir þjónustuna að fullu.

Fundir
Með því að taka þátt í fundum eða horfa á upptökur af þeim samþykkir þú að fara með allt sem þar kemur fram sem trúnaðarmál. Óheimilt er að deila því sem rætt er um eða upptökum af fundum með öðrum.

1. LMLP prógrammið
Afhending: Aðgangur opnast samdægurs.
Gildistími: Aðgangur að innri vef, kennslugögnum og lokuðu samfélagi gildir á meðan greiðslur eru í skilum.
Endurgreiðsla: Aðild að LMLP prógramminu er ekki endurgreidd undir neinum kringumstæðum.
Vísitöluhækkun: LMLP slf. áskilur sér rétt til vísitöluhækkunar einu sinni á ári. Ef til annarra verðbreytinga kemur á virkum aðildum er greiðanda send tilkynning í tölvupósti með 30 daga fyrirvara.
Úrsögn: Úrsögn fer fram með því að smella hér og fylla út úrsagnarformið. Úrsögn telst ekki gild ef hún er send með tölvupósti, í einkaskilaboðum á samfélagsmiðlum eða eftir öðrum leiðum.
Mánaðaraðild: Þriggja mánaða lágmarksbinditími. Að honum loknum endurnýjast aðildin mánaðarlega þar til úrsögn berst. Úrsögn þarf að berast í síðasta lagi 25. dag mánaðar til að taka gildi um næstu mánaðamót. Berist hún síðar tekur hún gildi um þarnæstu mánaðamót og greiðsla fyrir næsta mánuð er innheimt. Síðasta greiðsla er þann mánuð sem sagt er upp.
Ársaðild: Gildir í 12 mánuði og endurnýjast sjálfkrafa um 12 mánuði í senn þar til úrsögn berst. Úrsögn þarf að berast í síðasta lagi 25. dag mánaðarins á undan endurnýjunarmánuði. Áminning er send í tölvupósti um það bil 30 dögum fyrir endurnýjun, en það er alltaf á ábyrgð kaupanda að segja upp innan frests. Þegar ársaðild hefur endurnýjast er endurnýjunin bindandi og endurgreiðsla ekki í boði.

2. Lífsþjálfaskólinn
Greiðsla: Staðgreiðsla eða greiðsludreifing í 6 eða 9 mánuði, samkvæmt því sem nemandi velur við skráningu.
Endurgreiðsla: Allar greiðslur eru óendurkræfar og óframseljanlegar.
Uppsögn: Nemandi getur sagt sig úr námi með 30 daga skriflegri tilkynningu, en á ekki rétt á endurgreiðslu og ber að greiða eftirstöðvar námsgjalds að fullu.
Útskrift: Útskriftarskírteini er afhent þegar námsgjald hefur verið greitt að fullu.
Einkatímar eru ekki innifaldir. Nánari ákvæði koma fram í samningi um nám sem nemandi undirritar.

3. Milljónaklúbburinn
Greiðsla: Staðgreiðsla eða greiðsludreifing í 6 eða 9 mánuði.
Endurgreiðsla: Greiðslur eru óendurkræfar. Kaupandi er skuldbundinn til að greiða gjaldið að fullu, þótt hann hætti þátttöku.

4. Framúrskarandi konan
Greiðsla: Staðgreiðsla eða greiðsludreifing í 3 mánuði.
Endurgreiðsla: 25.000 kr. forskráningargjald er óendurkræft. Berist skrifleg afbókun á skrifstofa@lindape.com í síðasta lagi 31. janúar 2027 er það sem greitt hefur verið umfram forskráningargjaldið endurgreitt. Eftir þann dag fæst miðinn ekki endurgreiddur.

Lög og varnarþing
Skilmálar þessir eru í samræmi við íslensk lög. Rísi mál vegna þeirra skal það rekið fyrir Héraðsdómi Reykjaness.

Frekari spurningar
Hafðu samband við skrifstofu á skrifstofa@lindape.com. Fyrirspurnum er svarað virka daga á skrifstofutíma.

*LMLP er skammstöfun fyrir Lífið með Lindu Pé.

LMLP slf. kt. 600121-1030
Sjávargata 34
225 Álftanes
Iceland
Email: skrifstofa@lindape.com – www.lindape.com