Það getur verið gaman að bjóða vinkonum í „búst-bröns“ á fallegum sumardegi, setja upp lítið hlaðborð með mismunandi þurrkuðum og ferskum ávöxtum, hnetum og fræjum. Hella síðan bústblöndu í skálar og hver og ein gerir sína skál og fær svo engifer eða túrmeric-skot með. Prófaðu þessa skál. 

Innihald 

1 glas rauðrófusafi
2-3 appelsínur
1 sítróna
frosin bláber

Aðferð
Settu öll hráefnin saman í blandara og blandaðu vel saman. Helltu í skálar og settu ávexti, hnetur, fræ eða hvað sem þér dettur í hug ofan á til að gera skálina girnilega og fallega. Leyfðu sköpunargleðinni taka völdin. Magnið af innihaldsefninu fer eftir smekk, prófaðu þig áfram með hvað þér finnst best.