Viðhorf til peninga

Peningar eru eitt mest umtalaða en jafnframt misskilda fyrirbæri í heiminum. Sumir líta á þá sem uppsprettu alls ills, á meðan aðrir sjá þá sem lykil að frelsi og tækifærum. En sannleikurinn er sá að hvernig við hugsum um peninga hefur bein áhrif á það hvernig við upplifum þá – og hversu mikið við höfum af þeim.

Þeir sem eiga í basli með fjármálin trúa oft að fjárhagslegt frelsi sé utan seilingar. Þeir halda að leiðin að betri fjárhag felist í að vinna enn meira, spara meira og forðast alla áhættu. En þeir sem byggja upp raunveruleg auðæfi gera það ekki með erfiðisvinnu einni saman – heldur með breyttum hugsunarhætti. Þeir skilja að peningar fylgja verðmætasköpun og að fjárhagslegt öryggi hefst með því hvernig við hugsum um peninga.

Ef þú lítur á peninga sem takmarkaða auðlind sem erfitt er að eignast, munt þú haga þér í samræmi við það. Þú munt forðast fjárhagslegar áskoranir, sjá hindranir í stað tækifæra og halda þig við það sem þér finnst öruggt. En ef þú sérð peninga sem orku sem hægt er að skapa og láta flæða, opnast þér nýir möguleikar.

Fjárhagslegt frelsi snýst ekki eingöngu um upphæðina á bankareikningnum þínum – heldur um að hafa stjórn á eigin fjármálum, hugsa á skapandi hátt og nýta peninga sem verkfæri til að byggja upp líf sem styður dýpstu gildi þín og markmið.

Spurningin er ekki hvort fjárhagslegt frelsi sé mögulegt fyrir þig- heldur hvort þú sért reiðubúin/n að endurmeta viðhorf þín til peninga og taka fyrstu skrefin í átt að því lífi sem þú þráir?